Ahtisa Manalo, wagi sa Miss Universe Philippines 2025!

By Nicole Therise Marcelo

May 03, 2025

In SHOWBIZ Events

Itinanghal bilang bagong Miss Universe Philippines ang pambato ng Quezon Province na si Ahtisa Manalo nitong Biyernes ng gabi, Mayo 2.

Tinalo ni Manalo ang 65 iba pang mga kandidata sa MUPH at kinoronahan ni Miss Universe Philippines 2024 Chelsea Manalo.

Bago koronahan bilang bagong MUPH, naging usap-usapan ang pagkadapa ni Manalo sa pageant stage na ginanap sa Mall of Asia Arena, Pasay City.

Ngunit hindi iyon naging hadlang para hindi masungkit ang korona.

BASAHIN: Ahtisa Manalo, nadapa habang rumarampa sa MUPH stage

Samantala, narito ang winning answer ni Manalo sa tanong na: "They say that a good leader leads by example. Tell us about one event in your life when you led by example and the impact it made."

"I fell a while ago on stage. And the thing with me is, whenever I fall in life, I always make sure I come back stronger. Last year, I was here on this stage. And for the second time this year, I’m here putting everything on the stage to be Miss Universe Philippines, because this is mine and my grandmother’s shared dream. And she passed away early this year. And this is my ode to her."

Dahil sa kaniyang pagkapanalo, si Manalo ang magiging pambato ng Pilipinas sa Miss Universe 2025 na gaganapin sa Nobyembre 2025 sa Impact Muong Thong Thani Arena sa Bangkok, Thailand.

Sa kasaysayan ng Pilipinas, apat na Pilipina pa lamang ang nakasungkit ng korona ng Miss Universe. Ito'y sina Gloria Diaz (1969), Margie Moran (1973), Pia Wurtzbach (2015), at Catriona Gray (2018).

Congratulations and good luck, Ahtisa!

VP Sara, iginiit na walang ginagawa si PBBM para sa bayan kaya walang masabi si Usec. Castro

Iginiit ni Vice President Sara Duterte na wala umanong ginagawa si Pangulong Ferdinand “Bongbong” Marcos Jr. para sa bayan kaya’t wala raw masabi si Presidential Communications Office (PCO) undersecretary Claire Castro kundi “umatake sa mga kalaban.”Ang naturang pahayag ni Duterte sa panayam ng mga mamamahayag nitong Biyernes, Mayo 2, ay bilang pagbuwelta sa patutsada ni Castro na dapat...

Jinkee Pacquiao, dismayado sa paid ads laban sa mister na si Manny

Nagpahayag ng pagkadismaya si Jinkee Pacquiao laban umano sa mga nagkalat na paid ads sa social media laban sa kandidatura ng kaniyang asawang si Pambansang Kamao at senatorial aspirant Manny Pacquiao.Sa kaniyang Facebook post noong Biyernes, Mayo 2, 2025, inalmahan niya ang pagtawag umano sa kaniyang mister na isa raw 'clown.''Ang daming paid ads sa feed ko. Here’s one saying...

VP Sara, binuweltahan si Usec. Castro: 'Garbage in, garbage out!'

“Nakakahiya sa buong mundo na ganiyan yung nagsasalita para sa opisina ng Pangulo…”Binuweltahan ni Vice President Sara Duterte ang naging patutsada sa kaniya ni Presidential Communications Office (PCO) undersecretary Claire Castro na dapat umano niyang “i-level up” ang pakikipag-argumento, “rason sa rason, datos sa datos.”Matatandaang sa isang press briefing nitong Biyernes, Mayo 2,...