Easterlies, patuloy na nakaaapekto sa bansa – PAGASA

By Mary Joy Salcedo

April 13, 2025

In BALITA National

Inihayag ng Philippine Atmospheric, Geophysical and Astronomical Services Administration (PAGASA) nitong Linggo, Abril 13, na ang mainit na easterlies pa rin ang nakaaapekto sa buong bansa at inaasahang magdadala ng maalinsangang panahon.

Base sa ulat ng PAGASA kaninang 4:00 ng madaling araw, bukod sa maalinsangang panahon ay inaasahang magdadala rin ang easterlies, o ang mainit na hanging nagmumula sa karagatang Pasipiko, ng maulap na kalangitan na may kasamang mga kalat-kalat na pag-ulan at thunderstorms sa Zamboanga Peninsula, Palawan, Basilan, Sulu, at Tawi-Tawi.Posible ang pagbaha o kaya nama’y pagguho ng lupa sa nasabing mga lugar tuwing magkakaroon ng malalakas na pag-ulan.

Medyo maulap hanggang sa maulap na kalangitan na may kasamang isolated rainshowers o thunderstorms naman ang inaasahang mararanasan sa Metro Manila at mga natitirang bahagi ng bansa bunsod pa rin ng easterlies.

Posible rin ang pagbaha o pagguho ng lupa sa naturang mga lugar tuwing magkakaroon ng malalakas na thunderstorms, ayon sa weather bureau.

Sa kasalukuyan ay wala namang binabantayan ang PAGASA na anumang low pressure area (LPA) o iba pang bagyo sa loob o labas ng Philippine area of responsibility (PAR).

Romualdez, hinikayat mga Pinoy na magkaisa sa pagtaguyod ng 'kapayapaan' at 'kabutihan'

Sa kaniyang pakikiisa sa paggunita ng Linggo ng Palaspas nitong Abril 13 bilang pagsisimula ng Mahal na Araw, hinikayat ni House Speaker Martin Romualdez ang publikong magkaisa sa pananampalataya upang itaguyod ang “kapayapaan, kabutihan, at pagkakalinga para sa bawat Pilipino.”Binanggit ni Romualdez sa isang Facebook post ang mapagkumbabang pagkapasok ni Hesukristo sa Jerusalem noon habang...

Larawan nina VP Sara, mag-amang Villar usap-usapan

Kumakalat sa social media ang ilang mga larawan nina Vice President Sara Duterte at mag-amang sina businessman at dating senador Manny Villar at House Deputy Speaker, Lone District of Las Piñas City Rep. Camille Villar na tumatakbo naman sa pagkasenador.Batay sa mga larawan, tila kuha ito sa 'behind-the-scenes' ng sinasabing shoot sa campaign video ng umano'y pag-endorso ng...

Silang mayoral bet, humingi ng tawad matapos ang viral 'solo parent remarks'

Humingi ng paumanhin si Silang, Cavite reelectionist Atty. Kevin Anarna matapos siyang patawan ng show cause order ng Commission on Elections (Comelec) bunsod ng kontrobersyal niyang pahayag sa mga solo-parents sa kanilang lugar. Ayon sa ulat ng GMA Integrated News nitong Linggo, Abril 13, 2025, naglabas umano ng pahayag si Anarna noong Sabado, Abril 12 kung saan iginiit niya ang pagpapakababa ng...