Mukhang sa kasuhan na mauuwi ang dating "naisyu" na sina singer Jojo Mendrez at dating StarStruck contestant at Kapuso actor-dancer Mark Herras.
Matapos umanong ipa-blotter ni Jojo si Mark dahil sa "grave threat" daw na baka sunugin nito ang bahay niya nang mabalitaan ang ibinigay raw na cellphone ng una sa dating kasamahan sa StarStruck na si Rainier Castillo, noong Martes, Abril 1 ay muling nagtungo sa isang police station sa Kamuning, Quezon City ang singer kasama pa ang dalawang managers at legal counsel upang magbigay ng affidavit at makapagsampa ng demanda laban kay Mark.
Hindi raw nagustuhan ni Mendrez ang pagbibiro sa kaniya ni Mark, at baka raw gamitin pa ito laban sa kaniya, lalo na umano sa "panghihingi ng pera."
Matatandaang naisyu pa sina Jojo at Mark noon matapos silang maispatang magkasama sa isang hotel.
'Reserving my peace' post ni Mayor Mark Alcala, inokray dahil sa grammar
Pero paliwanag ni Jojo, magkaibigan lamang sila ni Mark at "straight" siya.
Isa pa, kaya lamang daw sila nag-uusap ni Mark ay dahil sa kanilang "collaboration" na nahinto na rin.
Kaya marami ang nagulat nang si Rainier Castillo naman ang nakikitang kasama ni Jojo.
Nagbigay naman ng reaksiyon tungkol dito si Mark, sa pamamagitan ng ipinadalang mensahe kay MJ Marfori, showbiz news reporter ng TV5, na naiulat din ng Philippine Entertainment Portal o PEP.
Aniya, published as is, "Okay lang naman yan & pasabi na lang po na marami diyan na di hamak mas sikat sakin kasi ako naman hindi na talaga haha."
"gagawa na lang ng issue yung halatang katarantaduhan pa."
"unang una dko ugali manakot ng tao kahit gawan ako ng issue or what dko ugali yan"
"I'd rather give my time & energy sa pamilya o kaya sa mga work/raket.."
"Sorry im the wrong guy para isama nyo or gawan nyo ng issue kasi dko kayo papatulan haha"
"at isa mga kasabihan nga eh 'always be the better person'"
"so yeah salamat enjoy whatever you guys are doing"
"madame akong ginagawa personal/work related"
"this will be the last time na sasagot ako sa issue lol thank you."
MAKI-BALITA: Mark Herras, nagsalita na tungkol sa kanila ni Jojo Mendrez
