Medialdea, iginiit sa ICC na ‘kidnapping’ nangyaring pag-aresto kay FPRRD-Balita

Medialdea, iginiit sa ICC na ‘kidnapping’ nangyaring pag-aresto kay FPRRD

Iginiit ni dating Executive Secretary Salvador Medialdea sa International Criminal Court (ICC) na “pure and simple kidnapping” umano ang nangyari kay dating Pangulong Rodrigo Duterte nang arestuhin ito at pasakayin sa private aircraft mula sa Pilipinas papuntang The Hague, Netherlands.

Sa kaniyang manifesto nang dumalo sa courtroom ng ICC Pre-Trial Chamber I bilang legal counsel ni Duterte sa pre-trial hearing nito nitong Biyernes, Marso 14, sinabi ni Medialdea ang nangyaring paghahatid kay Duterte sa ICC mula noong Martes ng gabi, Marso 11.

“Two days ago, the whole world witnessed the degrading fashion in which a former president of a sovereign country was bundled into a private aircraft and summarily transported to The Hague,” ani Medialdea.

“To us, lawyers, this would be called an extrajudicial rendition. To the less legally inclined, it was a pure and simple kidnapping.

Iginiit din ni Medialdea na hindi umano nabigyan si Duterte ng access sa “legal recourse” sa Pilipinas, tinawag niya itong “political score settling.”

“Two troubled entities struck an unlikely alliance: An incumbent president who wished to neutralize and choke the legacy of my client and his daughter, on the other hand, and a troubled legal institution subject to delegitimization and desperate for a price cut and a legal show today, on the other hand,” giit ni Medialdea.

“With this in mind, it is not surprising that my client was abducted from his country,” aniya.

Binanggit din ni Medialdea ang health issues umano ni Duterte, at wala pa raw isang oras nang makita niya ito upang ipaliwanag ang kaniyang legal issues.

Samantala, sinabi naman ni ICC Presiding Judge Iulia Antoanella Motoc na base raw sa opinyon ng doktor ng korte, "fully mentally aware and fit” naman umano si Duterte.

Pinayagan ng ICC ang dating pangulong dumalo sa naturang pre-trial hearing sa pamamagitan video link dahil sa haba ng biyahe nito mula Pilipinas patungong The Hague.

Itinakda naman ng korte ang confirmation of charges hearing nito sa Setyembre 23, 2025.

MAKI-BALITA: Confirmation of charges hearing para kay FPRRD, itinakda ng ICC sa Sept. 23, 2025

MRT-3 GM Bongon, sinibak sa puwesto dahil sa nagkaaberyang escalator

Kinumpirma ni Department of Transportation (DOTr) Vince Dizon na tinanggal na sa puwesto si Metro Rail Transit (MRT)-3 General Manager Oscar Bongon matapos ang nangyaring escalator malfunction, na nagdulot ng trauma at injury sa ilang mga pasaherong sasakay sa nabanggit na transport system.Sa panayam kay Dizon, hindi raw siya natuwa nang mag-follow-up siya at nalamang hindi pa nagagawa ang...

Heydarian, happy sa 'immense progress' at latest HDI score ng Mindanao

Ibinahagi ng political analyst-TV host na si Richard Heydarian ang screenshot ng latest data na ipinadala raw sa kaniya ng isang kaibigan patungkol sa human development index (HDI) ng Mindanao, noong 2024.Ayon sa Facebook post ni Heydarian, isang 'good academic friend' daw ang nagpadala sa kaniya ng kopya ng HDI values ng Mindanao as of 2024.'I stand CORRECTED (with this data...

DOTr, makikipagdayalogo sa MANIBELA sa nakaambang 3-day transpo strike

Nagbigay ng opisyal na pahayag ang Department of Transportation (DOTr) hinggil sa nakaambang three-day transport strike ng grupong MANIBELA mula Marso 24 hanggang 26 sa susunod na linggo.'Sa Lunes, magkakasa kami ng tatlong araw na transport strike. Simula sa Lunes, March 24, ay dinedeklara namin ang nationwide transport strike,' pahayag ni Mar Valbuena sa isang media...