Naglabas na ng pahayag si reelectionist Senator Ronald “Bato” Dela Rosa hinggil sa pagkakaaresto kay dating Pangulong Rodrigo Duterte.
Sa pamamagitan ng kaniyang Facebook account, sinabi niyang nakahanda na raw niyang samahan ang "old man," na espekulasyon ng mga netizen, ay tumutukoy kay dating Pangulong Rodrigo Duterte.
“If all legal remedies are exhausted and still justice is to no avail, then I don’t want my family to suffer from cops looking for a heartbeat. I am ready to join the old man hoping that they would allow me to take care of him,” ani Dela Rosa.
Matatandaang ilang netizens ang pumuna sa umano’y tila pananahimik ni Dela Rosa, kasunod nang paghahain ng arrest warrant ng International Criminal Court (ICC) kay dating Pangulong Duterte noong Martes, Marso 11, 2025.
Lumang post ni 'Thinking Pinoy' kinalkal ng netizens
KAUGNAY NA BALITA: 'Krimen laban sa sangkatauhan' dahilan ng arrest warrant vs FPRRD – PCO
Si Dela Rosa ang noo’y hepe ng Philippine National Police (PNP) nang ipatupad ni dating Pangulong Duterte ang madugong kampanya kontra droga kung saan sinasabing nasa 30,000 umano ang nasawi.
Samantala, matapos arestuhin sa Ninoy Aquino International Airport (NAIA), tuluyan nang dinala patungong The Hague sa The Netherlands si dating Pangulong Duterte kung saan nakatakda siyang imbestigahan.
KAUGNAY NA BALITA: PBBM, kinumpirma na dadalhin si ex-Pres. Duterte sa The Hague
