Binalikan ng netizens ang mga naging pahayag ni Sen. Ronald “Bato” dela Rosa kaugnay ng posibleng warrant of arrest mula sa International Criminal Court (ICC), kasunod ng muling pag-init ng usapin tungkol sa imbestigasyon sa war on drugs ng administrasyong Duterte.
Kumalat sa social media ang ilang video at panayam ng senador kung saan iba-iba ang kaniyang naging pahayag tungkol sa posibilidad ng pag-aresto sa kaniya ng ICC.
Kabilang sa mga naging viral na totoong pahayag ni dela Rosa ang:
“Hindi ako magpapahuli. Hindi ako sasama.”
“Kasama ’yan sa courses of action natin,” tugon niya nang tanungin kung ikinokonsidera niyang magtago.
Sey ng NBI: 'Fugitive Senator Dela Rosa will be arrested whether he likes it or not'
“As much as possible, hindi ako magpapahuli.”
“I have to survive all these trials that are thrown before us.”
“Magpapaaresto ako. Kapag may arrest warrant na.”
“Hindi ako natatakot. Bring it on.”
Dahil dito, umani ng iba’t ibang reaksiyon mula sa netizens ang tila pabago-bagong posisyon ng senador hinggil sa usapin ng ICC.
“Bakit parang iba na ang tono niya ngayon?”
“Dati ‘bring it on,’ ngayon ayaw magpahuli.”
“Kung walang kasalanan, bakit kailangang magtago?”
“Karapatan din naman niyang ipagtanggol ang sarili niya.”
“Dapat pairalin ang due process.”
“Naalala ng mga tao ang mga naging pahayag niya noon.”
“Hindi biro ang kaso sa ICC.”
“Marami pa ring sumusuporta kay Bato.”
“Social media never forgets.”
“Abangan kung ano talaga ang susunod na mangyayari.”
Sa kasalukuyan, wala pang kinukumpirmang pampublikong warrant of arrest ang ICC laban kay dela Rosa. Nauna nang sinabi ng ICC na hindi nila maaaring kumpirmahin ang mga ulat kaugnay nito.
KAUGNAY NA BALITA: PNP, may pahayag sa umano'y ICC warrant of arrest vs Sen. Bato!
