Ibinahagi ni beauty queen-actress Priscilla Meirelles ang health condition niyang naging isang factor para magpursige siyang magbawas ng timbang.
Sa latest episode ng “Fast Talk with Boy Abunda” kamakailan, sinabi ni Priscilla na nagkaroon daw siya ng endometriosis at sumailalim sa operasyon.
Ayon sa World Health Organization (WHO), ang endometriosis ay isa umanong sakit na ang tissue na kahawig ng lining ng uterus ay lumalago sa labas ng uterus.
“It can cause severe pain in the pelvis and make it harder to get pregnant.Endometriosis can start at a person’s first menstrual period and last until menopause,” dugtong pa nila.
Carla Abellana nagbukas sa publiko na sumailalim sa 'egg freezing'
“Through the process, ang daming nangyari including a health condition that I had. That was endometriosis and I had a surgery. I remove a cyst from my abdominal area,” saad ni Priscilla.
“After that, dahil marami akong natutuhan during the process, what is good and what is not good for me; what cause inflammation sa isang babae; what somehow like mess up with the hormones,” wika niya.
Dagdag pa niya, “So I decided that tatanggalin ko lahat ng mga pagkaing hindi maganda sa katawan ko katulad ng processed sugar. [...] Tinanggal ko rin po ‘yong mga carbs na hindi nanggagaling sa Earth. [...] And then aside from that, tinanggal ko rin lahat ng dairy.”
Matatandaang ibinida ni Priscilla noong Enero ang kaniyang fitness journey at kung paanong ang dati niyang timbang na 83 kilo ay naging 65 kilo na lang.
