Inamin ng komedyanteng si Brod Pete na naiinggit daw siya sa stand-up comedian na si Alex Calleja.
Sa latest episode ng “Ogie Diaz Inspires” kamakailan, sinabi ni Brod Pete na tulad ni Alex, gusto rin daw niyang magkaroon ng show sa Netflix.
“Pinakamatagal lang kami pero kita mo, ako wala akong Netflix. Pero mas matagal ako kay Alex, ‘di ba. Pero gano’n ‘yon. Wala akong Netflix. Siya mayro’n,” saad ni Brod Pete.
Dagdag pa niya, “Naiinggit ako, yes. Kasi gusto ko comedy. Gusto ko nakakatawa. E, nakakatawa ‘yong kay Alex. Naiinggit ako. [...] Kung may pagkakataon, gagawa akong Netflix.”
Pag-amin ni Klarisse De Guzman: 'I'm not straight, I am bi!'
Gayunman, nilinaw ni Brod Pete na ang paghahangad daw niya ng show sa Netlix ay hindi para kalabanin si Alex kundi para ipagpatuloy ang comedy scene.
“Ang nakakalungkot, nag-aaway sila,” sabi pa niya.
Matatandaang nagkaroon ng isyu sa pagitan ni Alex at ng comedy writer na si Chito Francisco matapos ang umano’y pagnanakaw sa “car wash joke.”
Ngunit pinalagan ni Alex ang paratang ni Chito at naglapag pa ng “resibo” para patunayan na siya ang mas naunang nakaisip sa nasabing joke batay sa kaniyang social media post.
MAKI-BALITA: Alex Calleja naglapag ng mga resibo, pumalag sa akusasyong 'nagnakaw ng jokes'
Humingi rin naman ng tawad kalaunan si Chito kay Alex na tinanggap din naman agad nito.
MAKI-BALITA: Chito Francisco, nag-sorry kay Alex Calleja
