Sino kaya ang kilalang politikong tinutukoy ni showbiz insider Ogie Diaz na nadawit umano sa scam?
Sa latest episode ng “Showbiz Updates” noong Linggo, Pebrero 16, pahapyaw na ibinahagi ni Ogie ang nasagap niyang tsika tungkol sa nasabing politiko.
“‘Yong isang personality na isa ring politician, nakakaloka. [...] Nawiwindang ako kasi may Facebook, naka-public ‘yong isang nagrereklamo do’n sa jowa ng personality na ito; na sila raw ay iniscam nito,” lahad ni Ogie.
Dagdag pa niya, “Siyempre, nagkakadugtong-dugtong, connect-connect. Kaya nilabas pati ‘yong picture no’ng personality-politician. Nakakaloka!”
Sikat na singer, nawindang sa natuklasang laman ng bank account!
Usisa tuloy ng co-host niyang si Mama Loi, “Ano namang kinalaman ni personality-politician diyan?”
“Kasi nga raw, jowa ito ngayon ng personalidad na iyon,” sagot ni Ogie. “E, sobrang yaman daw nito. Itong jowa niya, itong girl. Sobrang yaman. Tapos ‘yong sa Facebook na nababasa ko, nirereklamo niya ‘yong girl. Kasi nga parang na-scam sila nito.”
“Parang ipinalalagay do’n sa mga comment na ginagastos ni girl ‘yong mga investment do’n kay personality. Kakaloka, ha,” dugtong pa ng showbiz insider.
Batay naman pahayag ng kilalang politiko, investor din daw siya ng girlfriend nito. Pero duda raw ng mga netizen, paano raw makakapag-invest ang nasabing politiko kung jowa niya mismo ang babae.
“Maaaring ito ay makaapekto sa kaniyang kandidatura. [...] Kaya, naku, dapat ito ay agad na i-settle kung mayro’n mang ise-settle o dapat na linawin,” aniya.
Pahabol pa niya, “Buti ‘ka mo ‘di naman mayor, ‘di naman governor, ‘di naman senador ang tinatakbo. [...] At least do’n lang sa lokal tumatakbo.”
Maliban dito, wala nang ibinigay na ibang detalye si Ogie tungkol dito. Sa kasalukuyan, abang-abang na lang muna. Dahil sabi nga niya, “baka isa sa mga araw na ‘to sasabog ‘yan.”
