Inihayag ni ABS-CBN Chief Operating Officer (COO) for Broadcast Cory Vidanes ang kaniyang emosyon sa pagsasanib-pwersa nila ng GMA Network para sa bagong edisyon ng Pinoy Big Brother.
Sa ginanap na contract signing nitong Martes, Enero 28, sinabi ni Vidanes na masaya raw sila na sa loob ng dalawang dekada ng PBB ay iaanunsiyo nila ang nasabing collaboration.
“We are very, very happy to announce that on the 20th year of Pinoy Big Brother, we are doing this special collaboration with GMA,” saad ni Vidanes.
Dagdag pa niya, “Thank you very, very much to all of you for, again, welcoming us for this valuable partnership that really unify not only us, but all our Kapuso and Kapamilya fans; all our Sparkle and Star Magic artists.”
'Higupan' nina Maris at Anthony, usap-usapan!
Bukod dito, tiniyak din ni Vidanes na bibigyan nila ang viewers at advertisers ng compelling, fun, at enjoyable experience sa bagong edisyong ito ng PBB.
Samantala, excited naman si GMA Senior Vice President Annette Gozon-Valdes sa pakikipag-partner nila sa ABS-CBN.
Aniya, “Pinoy Big Brother is a cultural phenomenon. It celebrate real, no filter life-stories, and serves as a launch pad for dreams. So, thank you to our storytelling partner, ABS-CBN and managing…”
“Abangan n’yo ang pagsasama ng Kapuso at Kapamilya housemates sa teleserye ng totoong buhay. Malapit na malapit na sa GMA,” dugtong pa ni Gozon.
Matatandaang opisyal nang inanunsiyo sa 24 Oras ang kolaborasyong ito ng dalawang dambuhalang network sa bansa noong Lunes, Enero 27.
MAKI-BALITA: Bagong edisyon ng PBB, collaboration ng Kapuso at Kapamilya stars!
