Usap-usapan ang anunsyong "Big Balita" ng reality show na "Pinoy Big Brother" ng ABS-CBN, na palaisipan sa mga netizen kung tungkol saan ito.
Bukod sa hudyat na muli na namang magbubukas ang "Bahay ni Kuya" para sa panibagong season, matapos ang matagumpay na "PBB: Gen 11" na nagpanalo kay Fyang Smith, iniisip ng mga netizen kung ano nga ba ang ibig sabihin ng "Big Balita" na ito.
" May Paparating na Big Balita! Abangan sa January 27, 2025," mababasa sa caption ng post sa official Facebook page ng PBB.
Iba-iba naman ang naging espekulasyon dito ng mga netizen. May mga nagsabing baka mga miyembro ng "LGBTQIA+ community" ang papapasukin at gagawing housemates batay na rin sa tila "rainbow" na font color ng art card.
Ex-PBB housemate Jarren Garcia, inokray sa pagbasa ng balita tungkol kay Gloria Romero
Pero ilan din ang nagsabing baka this time ay mapapanood na rin sa GMA Network ang reality show na bagama't franchise sa ibang bansa, ay matagal nang associated sa Kapamilya Network, at karamihan nga sa mga naging Big Winner at housemates dito ay pinasok na rin ang mundo ng showbiz at talaga namang nagtagumpay.
Naging batayan ng mga netizen ang kulay raw ng heart logo ng GMA na makikita sa font color ng art card na ginamit sa anunsyo.
"Sa Gma nyu dun mapapanood ang PBB soon"
"Collab ata ng GMA AT ABSCBN.."
"Collab ig of ABS at GMA for its Season 12, since may sariling weekend shows na ang TV5, which to be air soon."
"Gma at abs Ang artistang papasuk jan"
"parang GMA color coding Yan ah"
"BIG BALITA ATA JAN. MAPAPANUOD NA YUNG PBB SA GMA. parang ganun Ata Yun hahaha"
"Hindi na siya mapapanood sa TV5? For collaboration in GMA?"
Matatandaang ang Kapamilya noontime show na "It's Showtime" ay napapanood din sa GMA at GTV matapos na lisanin ang TV5, nang lumipat naman dito ang "Eat Bulaga" na dating nasa Kapuso Network.
Samantala, wala pang tugon, reaksiyon, o pahayag ang pamunuan ng PBB o ABS-CBN hinggil sa espekulasyon ng mga netizen. Abangan na lamang ang Enero 27!
