Dead on the spot ang 42 taong gulang na babae matapos siyang barilin at tamaan ng bala sa kaliwang mata ng kaniyang kapitbahay sa Barangay Cabuyao, Bolinao, Pangasinan.
Ayon sa ulat ng Manila Bulletin, lumalabas umano sa imbestigasyon na sinaway ng biktima ang suspek na 57 taong gulang dahil sa pag-iingay nito sa kanilang compound. Dito na raw kumuha ng baril ang suspek at saka pinaputukan ang biktima.
Sinubukan pa raw dalhin sa ospital ang biktima ngunit hindi na ito umabot ng buhay.
Samantala, nasakote na ng pulisya ang suspek kung saan narekober sa kaniya ang baril na ginamit sa krimen.
Probinsya
