Patay ang isang 25 taong gulang na lalaki matapos siyang mapatay ng kaniyang sariling ama sa Consolacion, Cebu.
Ayon sa ulat ng Brigada News FM Legazpi City nitong Biyernes, Enero 17, 2025, dead on arrival sa ospital ang biktima, matapos magtamo ng iba’t ibang sugat sa katawan dulot ng mga taga ng suspek.
Kusang-loob namang sumuko ang suspek sa kanilang barangay, matapos ang nagawang krimen.
Lumalabas sa imbestigayson na nagkaroon daw ng pagtatalo ang mag-ama dahil nadatnan daw ng suspek ang biktima na sinisigawan ang kaniyang mga nakababatang kapatid. Lumala raw ang pagtatalo ng mag-ama nang hindi nito magustuhan ang ulam na dala ng suspek.
'Napikon?' Lalaki, nanaksak matapos umano siyang asarin na amoy anghit
Inunahan na umanong undayan ng taga ng suspek ang kaniyang anak na kumuha rin ng tubo sa kalagitnaan ng kanilang pagtatalo.
Samantala, inamin din ng suspek na gumagamit umano ng ilegal na droga ang biktima. Lubos naman daw na nagsisisi ang suspek sa nagawa sa sarili niyang anak.
