Nabahiran ng intriga ang post ni Kapamilya actor Paulo Avelino sa X (dating Twitter) na tila patutsada umano sa movie outfit ng ABS-CBN na Star Cinema.
Sa nasabing X post noong Huwebes, Enero 9, mahihiwatigang tila tungkol sa pelikula ang laman nito.
“Ma-experience nga na hindi tumapos ng pelikula. ” saad ni Paulo.
Umani tuloy ng samu’t saring reaksiyon mula sa mga netizen ang naturang post. Narito ang ilan sa kanilang mga komento:
KimPau, Star Cinema trending sa X; bakit kaya?
"Hindi man matuloy. KimPau parin kami kahit na Anong mangyari. Masyado n Kasi kayong sikat saming paningin Kya my mga gmgwa Ng paraan pra pbagsakin kayo pero waley Hindi sila mgwawagi. Natatakot lng Yung iba n matalo niyo sila hehe. We love you KimPau "
"Baka naisip ng star cinema na medyo mali ang timing ng dates..Kasi still promoting pa ng ATBI eh. Masyadong nalapit..Kaya kinakapos sa time .KimPau be patience"
"PauMahal ka namin.. Support kami pagi"
"Please nooooooo. Andito kami para sa inyo ni Kim. Susuportahan namin kayo kahit anong month or year pa yan irelease ang movie."
"Pinanindigan nyo na tlaga yung title ng pelikula paulo."
"@mepauloavelino please wag mong iiwan ang aming @prinsesachinita love na love ko kaya dalawa"
"my reason cguro kung bakit dpa maipalabas sa feb 12, gayun pa man, mag hihintay padin tyo guys."
"Naniniwala ako na kyang kya ng kimpau cla mgproduce ng movie sa dami ng kimpaufans it works support tyo dyan ka kimpau fans!!!!!!"
Matatandaang inanunsiyo ng Star Cinema noong Oktubre 2024 na may pelikula raw na aabangan ang fans mula kina Kim at Paulo.
MAKI-BALITA: Pelikula nina Kim, Paulo sinisimulan nang gawin
Ngunit kamakailan lang ay naglitawan ang tsikang malilipat umano mula Pebrero patungong Abril ang release ng pelikula.
MAKI-BALITA: KimPau, Star Cinema trending sa X; bakit kaya?
Sa kasalukuyan, habang isinusulat ang artikulong ito, wala pa namang inilalabas na pahayag o reaksiyon ang Star Cinema tungkol dito.
