Ibinida ni "The Voice USA" season 26 grand winner at Filipino pride Sofronio Vasquez ang larawan nila ni Pangulong Ferdinand "Bongbong" Marcos, Jr. nang bumisita siya sa Malacañang ngayong Miyerkules, Enero 8, para sa isang courtesy call.
Inawit ni Sofronio ang kaniyang winning piece na "A Million Dreams" sa harapan mismo nina PBBM at kaniyang asawang si First Lady Liza Araneta Marcos.
Makikitang habang umaawit at pinanonood siya nang malapitan ay nagpapahid ng luha si FL Liza gayundin ang pangulo.
Pagkatapos ng kanta ay nag-standing ovation ang pangulo sa kaniya.
PBBM, FL Liza naiyak sa kanta ni Sofronio Vasquez
Sa kaniyang Instagram post ay ibinahagi ni Sofronio ang larawan nila ni PBBM.
"with the President of the Republic of the Philippines ," simpleng caption ni Sofronio sa kaniyang post.
Si Sofronio ay bahagi ng team ni Coach Michael Buble.
MAKI-BALITA: PBBM, FL Liza naiyak sa kanta ni Sofronio Vasquez
