Umani ng samu't saring reaksiyon ang pagsasamang muli nina Maris Racal at Anthony Jennings sa fan conference ng "Incognito" stars sa isang mall ngayong araw ng Martes, Enero 7.
Trending tuloy ang pangalan ni Maris sa X.
Halos isang buwan matapos pumutok ang intriga at kontrobersiya ng "screenshots" ni Jam Villanueva, lumabas na rin sa publiko nang magkasama sina Maris at katambal na si Anthony Jennings at sumama sa fan conference o fancon ng kanilang upcoming action series na "Incognito" na mapapanood na sa Primetime Bida ng ABS-CBN at Netflix.
Sa larawang ibinahagi ni ABS-CBN showbiz news reporter Ganiel Krishnan at makikita sa ABS-CBN News, makikitang magkakasama ang cast na pinangungunahan nina Richard Gutierrez, Baron Geisler, Kaila Estrada, Ian Veneracion, at Daniel Padilla.
Rufa Mae sa kaso niya: 'Biktima rin ako... Go, go, go, basta hinaharap!'
Makikita namang magkatabi pa sina Maris at Anthony sa larawan.
Ito ang unang beses na nasilayang magkasama ang dalawa matapos ang media conference ng Incognito, at lumabas na nga ang isyung pinakawalan ng ex-girlfriend ni Anthony.
Kumakalat naman sa X ang ilang video clips ng masayahing si Maris, na nakangiti pang bumati sa lahat na tila walang nangyaring isyu na talaga namang malalang pinag-usapan ng publiko.
Nang matanong ng host kung ano ang inaasahan niyang goal sa sarili na gustong ma-achieve ngayong 2025, sey niya ay "To be stronger!"
Komento pa ng mga netizen, wala raw silang pakialam sa personal issues ng MaThon, pero batay kasi sa ipinalabas na trailer ay kaabang-abang ang performance nila, lalo na ni Maris na first time sumabak sa action scenes.
"Wla akong pake sa personal issue ni maris. Di maitanggi ang galing nya sa craft nya."
"good job maris"
"Pasabog Ang incognito at Ang gagaling ng mga casts. Pangworld class Ang aktingan"
"Move on na kau ,2025 na"
"Maris is undeniably one of the generations best actress."
"I was there and mind you malakas pa rin ang sigawan kaila DJ, Maris, at Anthony hahaha"
"Good to see you Maris and Jennings hayaan mo mga basher ngayon paba na okie na lahat."
MAKI-BALITA: Maris Racal lumikha na naman ng ingay sa social media, bakit kaya?
MAKI-BALITA: Matapos eskandalo: Maris, Anthony bumulaga sa fancon ng Incognito
