Nabulabog ang social media platform na "X" dahil sa pangalang "Mark Ian Garcia" na pinagpipiyestahan ng mga netizen dahil sa isang video.
Maging ang komedyante at direktor na si John Lapus ay na-curious kung bakit trending si Mark Ian Garcia at kung sino ba siya.
"Mga anak sino si Mark Ian Garcia?" tanong ni John bandang madaling-araw ng Disyembre 31, sa kaniyang X post.
Sagot ng mga netizen, isa siyang social media personality na may kumakalat na maselang video, na tila raw may ka-collab na isang nagngangalang "Daddy J."
Gabby Concepcion, may tila pasaring sa nagmamanipula ng anak para magalit sa tatay
Pinagpiyestahan ito ng mga netizen at naging laman ng usap-usapan sa social media. Ang iba pa nga, "pinagkakitaan" pa ito; kapalit ng pera, ise-send nila ang video na ngayon ay burado na sa nabanggit na platform.
Minsan na ring naging kalahok si Mark Ian Garcia Papa (buo niyang pangalan) sa isang segment ng "Eat Bulaga" sa TV5.
Isa siyang TikToker at naka-collab na rin ang kilalang social media personality na si Esnyr.
Ngunit bukod sa pagiging socmed personality at pagiging model, kumakalat din ang isang artcard kung saan nakalatag ang educational background, awards and recognition, at leadership experience niya.
Siya rin ay aktibo sa politika matapos manalong Sangguniang Kabataan (SK) Chairman sa Barangay Cupang, Muntinlupa City.
Maganda at "good boy" ang imahe niya sa social media kaya laking-gulat ng kaniyang fans, supporters, at followers na may kumakalat siyang sensitibong video.
DEPENSA NG FANS
Samantala, marami naman sa mga tagahanga ni Mark Ian ang nagsabing Artificial Intelligence (AI)-generated ang nabanggit na video at biktima lamang daw ang TikTok star.
Isang fan page na nagngangalang "MarkNyr Official" ang naglabas pa ng kanilang opisyal na pahayag kaugnay sa isyu nitong Lunes, Disyembre 30.
Ang pangalan ng fan page ay wordplay ng pangalan ni Mark at ni Esnyr.
Mababasa, "OFFICIAL STATEMENT."
"We MarkNyr Official would like to inform everyone that the video circulating online of Mark Ian Garcia is purely untrue and obviously AI Generated."
"We strongly condemn this behavior of spreading misinformation and it's only causing defamation to Mark Ian's Integrity not only as a public servant but also as a human."
"MarkNyr Official is conducting mass reporting to all the accounts who spread / post the said video and photo," anila pa.
Kung bibisitahin naman ang social media platforms ni Mark Ian, partikular ang kaniyang Instagram account, makikitang naka-limit ang comment section nito.
Makahulugan din ang mga binibitiwan niyang post na mababasa sa Instagram stories.
Ipinakita niya ang isang clip kung saan makikitang nagpapamigay siya ng mga torotot sa kaniyang mga nasasakupan bilang SK.
Sa isa pang larawan, kasama ang iba pang kabataan, may text caption din siya para sa pagtatapos ng 2024.
Mukha namang "unbothered" si Mark Ian at pinili na lamang na gampanan ang kaniyang tungkulin bilang SK Chairman.
Mababasa, "365/366."
"At my core - last stretch for the year 2024. I have been blessed throughout the year with challenges and successes and always with a grateful heart to share my blessings with others, especially kids."
"In this often cruel world, be someone who spreads kindness and love."
"Grateful for everything. Happy New Year!!!" aniya.
Samantala, wala pang tugon, reaksiyon, o opisyal na pahayag si Mark Ian tungkol sa pinag-uusapang maselang video habang isinusulat ang artikulong ito. Bukas ang Balita sa kaniyang panig.
