Kinaaliwan ng mga netizen ang video ng aktor na si Cedrick Juan sa paulit-ulit niyang pagbanggit na siya ang Best Actor ng 2023 Metro Manila Film Festival (MMFF) para sa pelikulang GomBurZa.
Sa latest Instagram post ng Aktor PH, makikitang nagpakilala si Cedrick bilang MMFF 2023 Best Actor habang pumipirma sa registration ng samahan ng mga aktor, founded by Dingdong Dantes.
Hanggang sa kaniyang pag-upo ay binabanggit ni Cedrick na siya ang MMFF 2023 Best Actor.
On a serious note, nagpaabot ng pagbati ang Aktor PH sa lahat ng mga nagwagi sa 2024 Metro Manila Film Festival (MMFF). Ang nakasungkit ng Best Actor ngayon ay si Kapuso star Dennis Trillo para sa pelikulang "Green Bones," na itinanghal naman bilang Best Picture.
Barbie Forteza, magkakaroon ba ng pelikula; sinong leading man?
"Congratulations to all the MMFF 2024 winners! Mula sa inyong MMFF 2023 Best Actor," mababasa sa caption ng post.
Itinama naman ni Cedrick ang ispeling ng kaniyang pangalan.
"Cedrick! With K! Hindi nga siya yan! Walang K e! HAHAHHAHAHAH! Ang saya nito!" aniya.
Umani naman ito ng iba't ibang reaksiyon at komento mula sa netizens.
"natatawa na ko sa paulit ulit na Best Actor, pati ba naman sa Cedric HAHAHAHAHA"
"This reminds me about Jim Carreys Speech sa Golden Globes napanuod mo ba yun?"
"kaka rewatch ko lang kanina ng awarding mo last year HAHAHAHAHAHA"
"Pwede rin ba siya bigyan ng award this year? Agaw-eksena siya sa The Kingdom! Ang galing! "
"Why is this video 1 hr long? Anong point? Sino ba yung MMFF 2023 best actor haha"
"Si MMFF 2023 Best Actor pala 'to!"
