Trending topic ngayon sa X ang batikang aktres na si Eugene Domingo dahil tinegi raw ito sa 2024 MMFF Gabi ng Parangal matapos mapasama umano sa listahan ng mga namayapang showbiz personalities.
Tila matalas ang paningin ng mga netizen na nanood ng Gabi ng Parangal dahil sila mismo ang pumansin na napasama raw sa listahan ng mga umano'y namayapang showbiz personalities si Uge.
Habang kumakanta sina Mark Bautista, Arman Ferrer, Robert Seña, at John Arcilla sa naturang tribute, ipinakita sa screen ang mukha ni Uge matapos ipakita ang yumaong si Cherie Gil.
But take note, buhay na buhay si Uge dahil dumalo siya mismo sa naturang parangal para sa pelikula niyang "And The Breadwinner Is..."
Cyrille Payumo, nag-sorry matapos suutin farewell gown ni Catriona Gray
Kaya naman umani ng samu't saring pambabatikos mula sa netizens ang umano'y tribute.
Samantala, nagbigay ng paglilinaw si Metro Manila Film Festival spokesperson Noel Ferrer na hindi raw memoriam ang nasabing tribute kundi pag-alala sa MMFF Icons sa loob ng 50 taon.
KAUGNAY NA BALITA: Listahan ng mga nagwagi sa 2024 MMFF Gabi ng Parangal
