Nanawagan si Senate President Chiz Escudero sa mga kapwa niya senador na huwag magbigay ng komento hinggil sa usap-usapang “impeachment” laban kay Vice President Sara Duterte.
Sa isang pahayag nitong Biyernes, Nobyembre 29, sinabi ni Escudero na hindi siya magkokomento hinggil sa isyu ng “impeachment” dahil sila raw sa Senado ang nakatalagang duminig sa mga kaso ng impeachment.
“[I] won't comment on anything that has to do with ‘impeachment’ given that we (the senate) is tasked to hear all impeachment cases,” ani Escudeo.
“I likewise call on and urge my colleagues to do the same,” dagdag pa niya.
VP Sara sa kinahaharap na ‘krisis’ ng OVP: 'We will not break!'
Nito lamang ding Biyernes nang sabihin ni Pangulong Ferdinand “Bongbong” Marcos Jr. na pag-aaksaya lamang umano ng oras ang pagsasampa ng impeachment complaint laban kay Duterte.
MAKI-BALITA: PBBM, iginiit na 'waste of time' lang pag-impeach kay VP Sara
Naging usap-usapan ang posibleng impeachment complaint umano na ihahain laban kay Duterte matapos nitong isiwalat noong Sabado, Nobyembre 23, na mayroon na raw siyang napagbilinang indibidwal na kung pinatay raw siya, papatayin naman umano nito ang pangulo at maging sina First Lady Liza Araneta-Marcos at House Speaker Martin Romualdez.
MAKI-BALITA: VP Sara, may binilinan na raw: ‘Kapag pinatay ako, patayin mo si PBBM, FL Liza, Romualdez!
Samantala, nilinaw naman ni Duterte na hindi umano pagbabanta sa pangulo ang kaniyang mga pahayag, kundi tungkol daw sa pangamba sa kaniyang buhay.
MAKI-BALITA: 'It's a concern about my death!' VP Sara, may nilinaw sa ‘banta’ niya vs PBBM
MAKI-BALITA: VP Sara sa ‘assassination threat’ niya vs PBBM: ‘Maliciously taken out of logical context’
