Isang magnitude 4.3 na lindol ang tumama sa probinsya ng Catanduanes nitong Huwebes ng madaling araw, Nobyembre 21, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan dakong 3:30 ng madaling araw.
Namataan ang epicenter nito 70 kilometro ang layo sa timog-silangan ng Baras, Catanduanes, na may lalim na 18 kilometro.
Wala namang inaasahan ang Phivolcs na posibleng aftershocks ng lindol.
Hindi rin daw inaasahang magdudulot ng pinsala ang nasabing pagyanig.
National
