Isiniwalat ni Pangulong Ferdinand “Bongbong” Marcos Jr. na nakausap niya sa pamamagitan ng phone call si United States (US) President-elect Donald Trump.
Sa panayam ng mga mamamahayag nitong Martes, Nobyembre 19, na inulat ng Manila Bulletin, sinabi ni Marcos na nakatawagan niya si Trump nito lamang ding Martes ng umaga.
"I was able to schedule a phone call to President-elect Donald Trump. At nakausap siya kaninang umaga at naaalala naman niya ang Pilipinas," aniya.
"It was a very good call, it was a very friendly call, it was productive and I'm glad that I was able to do it and I think President-elect Trump was also happy to hear from the Philippines.”
SP Chiz, Sen. Koko, at Sen. Raffy, pwedeng maging pangulo ng PH – Sen. Robin
Samantala, sinabi rin ni Marcos na hindi nila napag-usapan ni Trump ang tungkol sa Filipino immigrants sa US.
"We didn't talk about that. It was just a congratulatory talk but of course our ambassador is already working on it. I also reminded the President-elect that ang mga Filipino sa America, overwhelmingly binoto nila si Trump. I'm sure maalala niya yun kapag nagkita kami,” anang pangulo.
"Patuloy naming pinag-usapan ang samahan, the alliance between the United States and the Philippines and I expressed to him our continuing desire to strengthen that relationship between our two countries which is a relationship that as deep as can possibly be because it has been for a very long time," saad pa niya.
Matatandaang noong Nobyembre 6, nang magwagi si Trump sa halalan sa US kontra kay incumbent Vice President Kamala Harris.
