Tila nostalgic vibes ang isang “throwback photo” na ibinahagi ni Joross Gamboa kasunod ng first day screening ng Hello, Love, Again noong Miyerkules, Nobyembre 13, 2024.
KAUGNAY NA BALITA: Hello, Love, Again, kumita ng ₱85M sa unang araw!
Sa kaniyang Instagram account, ibinahagi ng aktor nitong Huwebes, Nobyembre 14, ang isang larawan na nagpapakita ng old at new version ng casts mula pa sa Hello, Love, Goodbye hanggang Hello, Love, Again.
“Same same but different 2018-2024 #hellolovegoodbye #helloloveagain,” saad ni Joross sa caption.
ALAMIN: Mga kinagiliwang Kapuso-Kapamilya tandem sa pelikula!
Makikita sa larawang nabanggit na kumpleto ang “team Joy” at “team Ethan” na tila perfectly remake nga rin daw para sa throwback ng aktor.
Kaya naman agad itong pinusan at inulan ng positibong komento mula sa netizens.
“Perfect barkada! Hoping for a part 3 with all of you.”
“You all look younger and even happier. Congrats, Team!”
“Kath glows differently now huhu. Happy for you guys!”
“Walang magbabago!! Foreverr!”
“IBA YUNG SAMAHAN ng TEAM PABIGAT .. HEBIGAT TLGA ! CONGRATS sa Maganda nyong Friendships!”
“Mas bumata yung looks nyong lahat after 5 years.”
Bukod sa kaniyang latest IG post, trending din si Joross sa X, kung saan ayon sa mga netizens ay tila pang-best actor din siya sa naturang sequel.
KAUGNAY NA BALITA: Pang-best supporting actor? Joross Gamboa, approved ang acting sa netizens!
KATE GARCIA
