Itinanghal na kampeon sa ginanap na “Magpasikat 2024” sina “It’s Showtime” host Kim Chiu, Ogie Alcasid, MC Muah, at Lassy Marquez.
Sa latest episode ng “It’s Showtime” nitong Sabado, Oktubre 26, emosyunal na nagpasalamat si Kim matapos ianunsiyo ang resulta ng laban.
Aniya, “Thank you po! Gusto lang namin i-share na 'yong mapapanalunan namin, hindi pa man namin alam 'yong nangyari sa [Bagyong Kristine] pero 'yung charity po talaga namin ay para sa Angat Buhay Foundation.”
Dagdag pa ni Kim: “Maraming maraming salamat. Malaking tulong po 'to sa lahat ng mga nasalanta."
Rampapayag kaya? Michelle Dee hinihiritang sumali sa Miss Grand International 2025
Makakatanggap ng kabuuang ₱300,000 ang grupo ni Kim bilang premyo sa kanilang pagkapanalo.
Samantala, itinanghal sa ikalawang puwesto ang team nina Jhong Hilario, Jackie Gonzaga, at Cianne Dominguez.
Naiposisyon naman sa ikatlong puwesto ang team nina Anne Curtis, Teddy Corpuz, at Jugs Jugueta.
Matatandaang noong nakaraang taon ay kabilang si Kim sa grupong itinanghal na kampeon sa Magpasikat 2023.
MAKI-BALITA: Team Jhong, Kim, Ion, wagi sa ‘Magpasikat 2023’ ng It’s Showtime
Taun-taong nagtatagisan ng talento at nagpapasikat ang mga host ng It’s Showtime bilang pagdiriwang ng kanilang anibersaryo.
