Natawa na lamang si "It's Showtime" host Vhong Navarro nang magkamali sa pagbanggit ng pangalan ang co-host na si Vice Ganda, nang kapanayamin nila ang contestant sa segment na "Kalokalike."
Sumalang kasi sa segment ang "Denise Laurel" Kalokalike na tamang-tama naman dahil umupo bilang hurado ang original Denise Laurel.
Sa interview portion ng hosts, nagkamali ng pagkakabanggit ng pangalan si Vice Ganda na nagkataong kasama sa nagho-host si Vhong.
"How well do you know Deniece Cornejo?" tanong ni Vice Ganda na ikinagitla rin niya.
Chloe punumpuno ang puso dahil kay Carlos, inurirat kung kailan papakasal
"Laurel ang pinag-uusapan," pabirong sey ni Vhong.
"Kuya Vhong yakapin mo ko sa harapan nilang lahat," pabirong bawi na lang ni Denise.
Matatandaang si Deniece ang nag-akusa ng panggagahasa kay Vhong noong 2014, at matapos ang halos isang dekada, napawalang-sala si Vhong at guilty naman sina Denice at Cedric Lee sa kasong serious illegal detention laban sa kanila.
MAKI-BALITA: BaliTanaw: Timeline ng mga nangyari sa kaso nina Vhong Navarro at Deniece Cornejo
