Naglabas ng opisyal na pahayag ang "Careless Music" na nagkukumpirmang wala na sa ilalim ng pamamahala nila ang aktres na si Liza Soberano.
Sa isang art card na mababasa sa Instagram story ng Careless Music, matipid ngunit direktang sinabi nila na hindi na konektado si Liza sa kanilang management, noon pa palang Hulyo.
"LIZA SOBERANO IS NO LONGER UNDER CARELESS MUSIC MANAGEMENT EFFECTIVE JULY 29, 2024."
"IT HAS BEEN A PLEASURE TO HAVE REPRESENTED HER AND WE WISH HER THE BEST IN ALL OF HER ENDEAVORS."
Carlos Yulo, wala pa raw naibibigay na tulong sa pamilya kahit palihim na abot?
Matatandaang noong 2022 ay tuluyan nang kumalas sa kaniyang dating talent manager na si Ogie Diaz, Star Magic, at ABS-CBN si Liza at nagpa-manage sa founder ng Careless Music na si James Reid.
Sa ilalim ng Careless, napasama siya sa Hollywood movie na "Lisa Frankenstein," na pinagbidahan nina Kathryn Newton at Cole Sprouse. Ito ang kaniyang kauna-unahang pelikula sa Hollywood.
Samantala, hindi naman malinaw ang dahilan ng pagkalas ni Liza sa Careless. Hindi rin malinaw kung si Liza ba ang umalis o siya ang binitiwan ng management.
Una nang pinag-usapan na tila hindi na raw mina-manage ng Careless si Liza matapos mapansin ng mga netizen na hindi na naka-follow sa Instagram accounts ng isa-isa ang Careless at ang aktres.
MAKI-BALITA: Liza Soberano, lumayas na raw sa management ni James Reid?
Lumutang din ang isyung may relasyon daw si Liza at ang co-founder ng management na si Jeffrey Oh, na hindi naman kumpirmado.
MAKI-BALITA: 'Paano na LizQuen fans?' Liza Soberano, jowa ang CEO ng 'Careless' na si Jeffrey Oh?
Bukas ang Balita sa panig ng mga personalidad na nabanggit.
