Iniintriga ng KimPau fans sina Kim Chiu at Paulo Avelino na tila magkasama raw sa isang tourist spot sa Los Angeles, California, USA, dahil sa pagkakapareho ng spot na kanilang kinalalagyan sa kani-kanilang Instagram posts.
In fairness, ang daming time ng fans para pansinin pa ang mga detalyeng ito ha!
Pero kalmante at simpleng winalis ng aktor ang alingasngas sa pagsasabing nagkataon lang.
"Grabe naman kayo. Nagkataon lang," mababasa sa X post ni Paulo.
Negosasyon sa renewal ng It's Showtime sa GMA, pinoproseso na!
Sa mismong Instagram posts ay dinumog ng mga tanong at urirat ang dalawa, kung sino raw ba ang "official photographer" nila.
"Mga nag-iisip kung sino ang nagpicture kay Pau."
"Hmmm puwede na ilabas Kim..."
"Sinong kasama mo?"
"Nagkataon lang ba talaga?"
Nagsimula ang shipping kina Kim at Pau dahil sa matagumpay na pagtatambal nila sa seryeng "Linlang" at "What's Wrong with Secretary Kim." Nagkataon pang pareho silang napaulat na single.
Samantala, dapat pakaabangan ng KimPau fans ang nilulutong pelikula para sa kanilang dalawa.
