'Bratinella to the max!' Castro, inalmahan 'di pagdalo ni VP Sara sa budget hearing-Balita

Tinawag ni ACT Teachers Partylist Rep. France Castro si Vice President Sara Duterte na “bratinella” matapos nitong hindi dumalo sa pagdinig ng Kamara hinggil sa ₱2.037 bilyong 2025 proposed budget ng Office of the Vice President (OVP) nitong Martes, Setyembre 10.

Sa kaniyang manipestasyon, iginiit ni Castro na isa umanong “pambo-boycott” ang ginagawa ni Duterte sa Kamara lalo na’t wala raw itong ipinadala kahigt isang kinatawan ng OVP.

“Ang ibig sabihin nito ay bino-boycott niya tayo. Pambo-boycott ito dahil wala pa akong natatandaan na ahensya ng gobyerno o executive branch na binoycott ang Kongreso dito sa budget hearing and deliberation. So, ang ibig sabihin nito ay betrayal of her oath of office,” giit ni Castro.

Inihayag din ng Makabayan solon ang kaniyang pagkadismayang hindi depensahan ni Duterte ang budget ng kaniyang opisina at nangangahulugan daw ba umano ito na inaabandona na ng bise presidente ang kanilang mga programa.

“Ang ibig sabihin ba niyan ay inaabandona na niya ang mga pinaplano niya siguro na mga constituents niya na bibigyan niya ng mga program na ito,” ani Castro.

"So ang problema dito, talagang bratinella. Talagang bratinella. Bratinella to the max, na ayaw na ngang matanong, umiiwas sa mga tanong, at ito pa, kapag gusto nating tanungin, hindi uma-attend… Pasensya na po ang taumbayan, binoycott tayo ng Vice President,” saad pa niya.

Samantala, matatandaang nito lamang ding Martes ay naglabas na ng pahayag ang OVP hinggil sa kanilang hindi pagdalo sa pagpapatuloy ng pagdinig para sa kanilang proposed budget sa fiscal year 2025.

MAKI-BALITA: OVP, nagsalita na hinggil sa hindi nila pagdalo sa budget hearing ng Kamara

Bukod dito ay nagpadala rin ng sulat si Duterte kay House Speaker Martin Romualdez hinggil dito.

MAKI-BALITA: VP Sara, sinulatan si Romualdez hinggil sa proposed budget ng OVP

Samantala, nito lamang Lunes, Setyembre 9, nang igiit din ng bise presidente na hindi umano siya “spolied brat” o “bratinella.”

MAKI-BALITA: VP Sara Duterte, itinangging spoiled brat siya

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...

'Bratinella to the max!' Castro, inalmahan 'di pagdalo ni VP Sara sa budget hearing

'Bratinella to the max!' Castro, inalmahan 'di pagdalo ni VP Sara sa budget hearing

Inirerekomendang balita

#WalangPasok: Class suspensions ngayong Biyernes, Sept. 20

Tulfo brothers, nanguna sa senatorial survey ng OCTA

Rep. Paolo Duterte, iimbitahan ng House quad comm kaugnay ng drug war ng ama

Features

Opinyon