Kinakiligan ng mga netizen ang komento ng aktor na si Jericho Rosales sa kaniyang special someone na si Janine Gutierrez, dahil sa Instagram post nito.
Nag-post kasi si Janine ng kaniyang bikini photos habang nasa swimming pool ng Hotel Excelsior Lido Di Venezia sa Italy.
"euro summer break!!" caption ni Janine sa Instagram post.
GIF na tila nasisilaw sa araw ang komento rito ni Echo.
Janine Gutierrez, kinaiinisan pero pinupuri ang pag-arte
"dapat weather report ginawa ko kanina sa @tvpatrolph," dagdag ng aktor.
Kamakailan kasi ay naging Star Patroller si Echo sa TV Patrol para sa promosyon ng "Lavender Fields. Magkasama ang dalawa sa action-drama series na number 1 Philippine TV show ngayon sa Netflix, na pinagbibidahan ni Jodi Sta. Maria.
Kinilig naman ang fans dahil kamakailan lamang, inamin ng dalawa na nagde-date sila.
"Jericho's comment nakakasilaw ba kagandahan niya "
"@janinegutierrez gives you @jerichorosalesofficial sunshine this time hahaha nakikita ko ang clear sky sa inyo eyyyy."
"Grabe naman, ang ganda naman talaga ni Janine at bagay na bagay sila ni Echo."
"Nasilaw si Echo sa alindog ni Janine haha."
"Wow, sino ba naman ang hindi mahuhumaling sa ganda ni Janine?"
Bago kay Janine, nauna na munang na-link si Echo kay Kathryn Bernardo, simula nang aminin niyang hiwalay na sila ng dati niyang asawang si Kim Jones.
Inamin kamakailan ni Echo na nasa dating stage na sila ni Janine.
MAKI-BALITA: Jericho Rosales sa real-score nila ni Janine Gutierrez: 'We're going out'
