Nagwagi ng ₱18.6M lotto jackpot, taga-Leyte!

By Mary Ann Santiago

September 06, 2024

In BALITA National

Isang taga-Leyte ang pinalad na makapag-uwi ng ₱18.6 milyong jackpot prize ng Lotto 6/42 ng Philippine Charity Sweepstakes Office (PCSO) nitong Huwebes ng gabi.

Sa abiso ng PCSO, nabatid na matagumpay na nahulaan ng lucky winner ang winning numbers 13-11-30-23-21-07 kaya’t naiuwi nito ang katumbas na premyong ₱18,683,725.20 jackpot.

Nabili ng lucky winner ang kanyang lucky ticket sa isang lotto outlet sa Real St., Brgy. San Roque, Tanuan, Leyte.

Anang PCSO, mayroon lamang isang taon ang lucky winner upang i-claim ang kanyang premyo sa PCSO main office sa Mandaluyong City.

Kailangan lamang niyang iprisinta ang kanyang winning ticket at dalawang balidong identification cards.

Ang Lotto 6/42 ay binobola tuwing Martes, Huwebes at Sabado.

Kaugnay nito, hinikayat naman ni PCSO General Manager Mel Robles ang publiko na patuloy na suportahan ang kanilang gaming products upang mas marami pa silang matulungan na mga nangangailangan.

Gener, napanatili ang lakas habang nasa baybayin ng Cagayan Valley

Napanatili ng Tropical Depression Gener ang lakas nito habang kumikilos sa baybayin sa silangan ng Cagayan Valley, ayon sa Philippine Atmospheric, Geophysical and Astronomical Services Administration (PAGASA) dakong 2:00 ng hapon nitong Lunes, Setyembre 16.Sa tala ng PAGASA, huling namataan ang bagyong Gener 305 kilometro ang layo sa silangan hilagang-silangan ng Casiguran, Aurora o 325 kilometro...

Kiko, flinex na solid pa rin sila ni Leni: 'Ewan ko lang sa iba'

Flinex ni dating Senador Kiko Pangilinan na hanggang ngayon ay “solid” pa rin sila at may “totoong unity” ni dating Vice President Leni Robredo.Sa isang X post, ibinahagi ni Pangilinan ang naging pagbisita niya kay Robredo noong nakaraang linggo sa Naga City para sa Peñafrancia Festival.“Guess who I went to visit for the Peñafrancia Festival in Naga City? Salamat Ma’am for hosting...

Romualdez, pinatutsadahan mga kritiko ng Kamara: 'We will not tolerate hypocrisy!'

“Hindi maaaring magturo ng daliri ang mga may sariling kasalanan.”Pinatutsadahan ni House Speaker Martin Romualdez ang mga kritiko umano ng Kamara na nagsasalita tungkol sa “accountability” ngunit binabalewala ang sariling “misuse of public funds.”Sinabi ito ng House leader sa pagbubukas ng plenary deliberations ng Kamara sa panukalang ₱6.352-trillion national budget para sa 2025...