Nagbigay ng reaksiyon ang labor leader at dating presidential candidate na si Ka Leody De Guzman hinggil sa panukala ni dating presidential legal counsel Salvador Panelo na magsanib-pwersa sa pagkapangulo ang mag-amang Sara Duterte at Rodrigo Duterte sa darating na 2028 national elections.
Sa kaniyang pahayag nitong Sabado, Agosto 31, inilahad ni Ka Leody na gusto lang umanong makakapit lang muli ni Panelo sa kapangyarihan kaya nito sinabi ang nasabing panukala.
“Kapit-tuko sa kapangyarihan itong si Panelo. Palibhasa, siya ay mas ‘malapit sa kawali’ noong panahon ni Duterte. Nais niyang makakapit muli sa mga pasilyo ng Malakanyang,” pahayag ni Ka Leody.
Dagdag pa niya: “Kung hahayaan ito ng Comelec, sagad-sagad na ang pagsalaula sa Konstitusyunal na probisyon laban sa political dynasties.”
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Matatandaang binanggit ni Panelo ang tungkol dito sa isang press conference na ginanap nito ring Sabado.
MAKI-BALITA: DUTERTE-DUTERTE sa 2028? Panelo, pinupush ang tandem ng mag-amang Duterte
