Leni Robredo kay Kiko Pangilinan: 'Maswerte ang Pilipinas sa'yo!'

By Mary Joy Salcedo

August 24, 2024

In BALITA National

Ipinahayag ni dating Vice President Leni Robredo na maswerte ang Pilipinas kay dating Senador Kiko Pangilinan.

Sinabi ito ni Robredo nang batiin niya si Pangilinan sa kaarawan nito ngayong Sabado, Agosto 24, sa pamamagitan ng isang video.

“Sinasabi ko na ito lagi pero gusto ko lang ulit-ulitin how much I appreciate you, how much I am truly grateful for the friendship and the support all through the years. Mahaba-haba na rin ‘yung pinagsamahan natin pero super proud ako sa’yo,” mensahe ni Robredo kay Pangilinan.

“Never na na-spoil ka ng power. Never na na-spoil ka ng fame. Maswerte ang Pilipinas sa’yo,” dagdag niya.

Matatandaang naging mag-running mate sina Robredo at Pangilinan noong 2022 national elections kung saan tumakbo ang una bilang pangulo ng bansa habang ang huli ay bilang bise presidente. Tinawag ang kanilang mga tagasuporta na “Kakampink.”

Samantala, matatandaan ding inihayag ni Robredo kamakailan na plano niyang tumakbo bilang alkalde ng Naga City sa 2025 elections.

MAKI-BALITA: Robredo, ipinaliwanag dahilan ng hindi niya pagtakbo bilang senador sa 2025

Tatakbo naman daw si Pangilinan bilang senador ng bansa sa susunod na taon.

MAKI-BALITA: Kiko Pangilinan, tatakbong senador para sa 'better future' ng mga Pinoy

OVP, nagpaliwanag hinggil sa 'casual meeting' nina VP Sara at Ex-VP Leni sa Naga

“She neither looked desperate nor distressed.”Naglabas ng pahayag ang Office of the Vice President (OVP) hinggil sa napabalitang binisita ni Vice President Sara Duterte si dating Vice President Leni Robredo sa Naga City.Ayon sa OVP, inimbitahan si Duterte ng isang kaibigan sa Bicol upang dumalo sa centennial anniversary mass ng Canonical Coronation of Our Lady of Peñafrancia nitong Biyernes,...

Guanzon, tinanong sino si Ben Tulfo: 'What has he done for the country?'

May tanong si dating Commission on Elections (Comelec) commissioner Rowena Guanzon tungkol sa broadcaster na si Ben Tulfo.Sa kaniyang X post nitong Biyernes, Setyembre 20, tinanong ni Guanzon kung sino ba umano si Tulfo at ano ang nagawa niya para sa bansa.“Teka who is Ben Tulfo? What has he done for the country? Enlighten me,” ani Guanzon sa kaniyang post.Ang naturang post ni Guanzon ay...

VP Sara Duterte, binisita si Ex-VP Leni Robredo sa Naga

Binisita ni Vice President Sara Duterte si dating Vice President Leni Robredo sa bahay nito sa Naga City.Kinumpirma ito ng dating spokesperson ni Robredo na si Atty. Barry Gutierrez sa ABS-CBN News nitong Biyernes, Setyembre 20.Ayon kay Gutierrez, “personal” at “hindi politikal” ang naging pag-uusap nina Duterte at Robredo.'VP Sara visited former VP Leni at her house. VP Leni learned...