Inihayag ng Philippine Atmospheric, Geophysical and Astronomical Services Administration (PAGASA) na ang southwest monsoon o habagat at localized thunderstorms ang inaasahang magpapaulan sa bansa ngayong Biyernes, Agosto 2.
Sa tala ng PAGASA kaninang 4:00 ng madaling araw, malaki ang tsansang magdudulot ang habagat ng maulap na kalangitan na may kasamang kalat-kalat na pag-ulan at thunderstorms sa Western Visayas, Negros Island Region, Zamboanga Peninsula, at Palawan.
Pinag-iingat ang mga residente sa mga nasabing lugar sa posibleng pagbaha o pagguho ng lupa tuwing magkakaroon ng malalakas na pag-ulan.
Samantala, malaki ang tsansang magdala ang localized thunderstorms ng medyo maulap na kalangitan na may kasamang pulo-pulong pag-ulan o thunderstorms ang Metro Manila at mga natitirang bahagi ng bansa.
Posible rin daw ang pagbaha o pagguho ng lupa sa nasabing mga lugar tuwing magkakaroon ng malalakas na thunderstorms.
Libreng sakay para sa solo parents, aarangkada hanggang Abril 18
Sa kasalukuyan ay wala namang binabantayan ang PAGASA na anumang bagyo o low pressure area (LPA) sa loob o labas ng Philippine area of responsibility (PAR).
