Binatilyong naligo sa ilog, nalunod!

By Mary Ann Santiago

July 23, 2024

In BALITA

Isang binatilyo ang patay nang malunod habang naliligo sa ilog sa Tondo, Manila nitong Lunes ng gabi, Hulyo 22.

Kinilala ang biktima na si Khaydel Buensoleso, 13, at residente ng Simoun St., sa Tondo.

Batay sa ulat ng Manila Police District (MPD)-Homicide Section, nabatid na dakong alas-6:51 ng gabi nang madiskubre ang bangkay ng biktima sa ilalim ng Infanta Bridge sa Tondo.

Nauna rito, nagkayayaan umano ang biktima at kaniyang mga kaibigan na maligo sa ilog sa kabila ng pabugsu-bugsong malalakas na pag-ulan.

Sa kasagsagan ng kanilang paliligo, napuna umano ng mga kaibigan ng biktima na nawawala na ito at tinangay pala ng malakas na agos ng tubig, kaya’t kaagad na ipinagbigay-alam sa kaniyang ina.

Ang ginang naman ang siyang humingi ng tulong sa mga awtoridad upang hanapin ang kanyang anak.

Kaagad na nagsagawa ng search and rescue operation ang mga awtoridad at nang matagpuan ang biktima ay kaagad itong isinugod sa Tondo Medical Center ngunit idineklara na ring patay ng mga doktor.

Magnitude 4.1 na lindol, tumama sa Davao Occidental

Isang magnitude 4.1 na lindol ang tumama sa baybaying sakop ng Davao Occidental nitong Sabado ng umaga, Setyembre 7.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 8:02 ng umaga.Namataan ang epicenter nito 333 kilometro ang layo sa timog-silangan ng Sarangani Island sa Sarangani, Davao Occidental, na may lalim na 6...

Hontiveros sa pagsailalim kay Guo sa PNP custody: 'Napaka-iregular ng mga nangyayari'

Iginiit ni Senador Risa Hontiveros Risa Hontiveros na napaka-iregular na umano ng mga nangyayari matapos isailalim sa kustodiya ng Philippine National Police (PNP), sa halip na sa Senado, si dismissed Bamban, Tarlac mayor Alice Guo nang piliin nitong hindi magpiyansa sa kasong graft na isinampa laban sa kaniya kahit na “bailable” naman ito.Nitong Biyernes, Setyembre 6, nang piliin ni Guo na...

5.0-magnitude na lindol, yumanig sa Sarangani; aftershocks, asahan

Niyanig ng 5.0-magnitude na lindol ang probinsya ng Sarangani nitong Biyernes ng hapon, Setyembre 6.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 3:39 ng hapon.Namataan ang epicenter nito 3 kilometro ang layo sa timog-kanluran ng Glan, Sarangani na may lalim na 22 kilometro.Naiulat ang Intensity II sa CITY OF GENERAL...