Sen. Angara, planong humingi ng payo kay VP Sara hinggil sa DepEd

By Mary Joy Salcedo

July 15, 2024

In BALITA National

Ilang araw bago niya simulang pamunuan ang Department of Education (DepEd), ipinahayag ni Senador Sonny Angara na plano niyang humingi ng payo kay Vice President Sara Duterte hinggil sa pagiging kalihim nito ng ahensya sa nakalipas na dalawang taon.

Sa isang panayam ng DZBB nitong Linggo, Hulyo 14, ibinahagi ni Angara na nakatakdang i-turnover sa kaniya ni Duterte ang DepEd sa darating na Huwebes, Hulyo 18, 2024.

“Yung pag-assume siguro sa next, sa sunod na araw. At kailangan natin mag-oath din,” dagdag ni Angara.

MAKI-BALITA: Pag-turnover ni VP Sara kay Sen. Angara sa DepEd, gaganapin sa Hulyo 18

Kaugnay nito, sinabi ng senador at incoming DepEd chief na kung magkaroon ng tsansa ay hihingi raw siya ng payo kay Duterte hinggil sa dalawang taong naging pamumuno nito sa ahensya.

“Kung may chance, hihingi rin ako ng advice ng ating Vice President dito sa kaniyang karanasan sa nakaraang dalawang taon niya bilang pinuno o kalihim ng kagawaran ng education,” saad ni Angara.

Matatandaang noong Hunyo 19, 2024 nang ianunsyo ni Duterte ang kaniyang pagbibitiw bilang kalihim ng DepEd.

MAKI-BALITA: VP Sara sa pagbibitiw bilang DepEd Secretary: ‘Hindi lulan ng kahinaan’

Noon namang Hulyo 2, 2024 nang ihayag ng pamahalaan ang pagtalaga ni Pangulong Ferdinand “Bongbong” Marcos Jr. kay Angara sa pwesto.

MAKI-BALITA: Sen. Sonny Angara, itinalaga bilang bagong DepEd secretary

KAUGNAY NA BALITA: VP Sara sa mga naging kasamahan sa DepEd: 'Mami-miss ko kayo'

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...

Kiko sa pagtakbong senador: 'Inaalay ko nang buong tapang, buong puso para sa bayan!'

Nagpasalamat si dating senador at vice presidential aspirant Atty. Kiko Pangilinan sa Partido Liberal ng Pilipinas (PLP) sa tiwalang ibinigay sa kaniya upang maging kinatawan ng partido para sa pagkasenador sa darating na midterm elections.Nanumpa na si Atty. Kiko sa isang programang isinagawa ng Liberal Party noong Setyembre 20, na ibinahagi niya ang talumpati sa kaniyang social media...

Davao Oriental, niyanig ng 4.8-magnitude na lindol

Niyanig ng magnitude 4.8 na lindol ang probinsya ng Davao Oriental nitong Linggo ng hapon, Setyembre 22, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 4:22 ng hapon.Namataan ang epicenter nito 122 kilometro ang layo sa timog-silangan ng Governor Generoso, Davao Oriental, na may lalim na 71...