Vietnamese, hubo’t hubad na nagpalakad-lakad sa NAIA

By MJ Salcedo

June 14, 2024

In BALITA National

Isang babaeng Vietnamese ang nagpalakad-lakad sa terminal 3 ng Ninoy Aquino International Airport (NAIA) noong Sabado, Hunyo 8.

Base sa video ng Manila International Airport Authority (MIAA) na inulat ng Manila Bulletin, makikita ang babaeng dire-diretso lamang sa paglalakad sa departure area ng NAIA Terminal 3 habang wala itong saplot.

Agad naman daw na umaksyon ang airport personnel at dinamitan ang babae, at saka ito pinakalma ng medical team ng MIAA.

Patungo raw sana sa Ho Chi Minh City sa Vietnam ang babae ngunit na-offload umano siya o hindi pinayagang bumiyahe.

Sa ulat ng 24 Oras ng GMA News, base raw sa initial inquiry ay nakararanas umano ng psychological disorder ang Vietnamese kaya’t kinailangan siyang i-offload ng immigration officer.

Samantala, pinayagan naman daw na makabalik ng Vietnam ang babae noong Linggo, Hunyo 9.

Trust, approval rating ni PBBM, tumaas; bumaba naman kay VP Sara -- Tangere

Tumaas ang bilang ng mga Pilipinong nagtitiwala at nasisiyahan sa performance ni Pangulong Ferdinand “Bongbong” Marcos Jr. habang bumaba naman ang kay Vice President Sara Duterte, ayon sa survey ng Tangere.Base sa pinakabagong survey ng Tangere nitong Lunes, Setyembre 23, mula Agosto hanggang Setyembre ay tumaas ang bilang ng mga Pilipinong nagtitiwala umano kay Marcos, mula 58.5% patungo sa...

Mas malamig na panahon at mas mahabang gabi, dapat nang asahan

Opisyal ng idineklara ng Philippine Atmospheric Geophysical and Astronomical Services Administration (PAGASA) ang pagpasok ng autumnal equinox mula Setyembre 22, 2024, kung saan maaari na umanong maranasan ang magkasing-haba na ang oras ng umaga at gabi.Ang equinox ay salting Latin nangangahulugan sa wikang ingles na “equal.” Samantala, nilinaw naman ng PAGASA na bagama’t magkasing-haba...

'Family Day,' gawing paalala sa 'krisis sa pagkain' ng mga Pinoy -- VP Sara

Sa gitna ng kaniyang pakikiisa sa “Kainang Pamilya Mahalaga Day” o “Family Day,” sinabi ni Vice President Sara Duterte na maging paalala raw sana ang pagdiriwang sa hinaharap na krisis sa pagkain ng maraming mga Pilipino.“Ngayong araw, ipinagdiriwang natin ang pagsasama-sama sa hapag-kainan ng mga pamilyang Pilipino,” ani Duterte sa isang pahayag nitong Lunes, Setyembre 23.Sinabi rin...