Naranasan sa 34 lugar sa bansa ang “dangerous” heat index nitong Martes, Abril 30, ayon sa Philippine Atmospheric, Geophysical and Astronomical Services Administration (PAGASA).

Sa tala ng PAGASA nitong 5:00 ng hapon, umabot sa “danger level” ang heat index sa mga sumusunod na lugar nitong Martes:

• Dagupan City, Pangasinan - 48°C


Explainer: Kahulugan at epekto ng mataas na ‘heat index’ ngayong tag-init

• Aparri, Cagayan - 47°C
• Central Bicol State University (CBSUA) sa Pili, Camarines Sur - 47°C
• Tacloban City, Leyte - 47°C
• Puerto Princesa City, Palawan - 46°C
• Virac, Catanduanes - 46°C
• Masbate City, Masbate - 46°C
• Ninoy Aquino Internation Airport (NAIA) sa Pasay City - 45°C
• Laoag City, Ilocos Norte - 45°C
• Iloilo City, Iloilo - 45°C
• Tuguegarao City, Cagayan - 44°C
• Casiguran, Aurora - 44°C
• Daet, Camarines Norte - 44°C
• Roxas City, Capiz - 44°C
• Dumangas, Iloilo - 44°C
• Catarman, Northern Samar - 44°C
• Mariano Marcos State University (MMSU) sa Batac, Ilocos Norte - 43°C
• Iba, Zambales - 43°C
• Sangley Point, Cavite - 43°C
• Alabat, Quezon - 43°C
• Coron, Palawan - 43°C
• San Jose, Occidental Mindoro - 43°C
• Aborlan, Palawan - 43°C
• La Granja, La Carlota, Negros Occidental - 43°C
• Science Garden, Quezon City - 42°C
• Bacnotan, La Union - 42°C
• Calayan, Cagayan - 42°C
• Isabela State University (ISU) sa Echague, Isabela - 42°C
• Baler, Aurora - 42°C
• Cubi Pt., Subic Bay, Olongapo - 42°C
• Mambusao, Capiz - 42°C
• Siquijor, Siquijor - 42°C
• Catbalogan, Samar - 42°C
• Dipolog, Zamboanga del Norte - 42°C

Ayon sa PAGASA, ang heat index ay ang pagsukat kung gaano kainit ang nararamdaman kapag ang “humidity” ay isinasama sa aktwal na temperatura ng hangin.

Maaaring malagay sa “danger” level ang mga heat index mula 42°C hanggang 51°C dahil posible rito ang “heat cramp” at “heat exhaustion.”

“Heat stroke is probable with continued activity,” saad pa ng PAGASA.