Idinetalye ng Professional Regulation Commission (PRC) nitong Martes, Enero 16, ang isasagawang face-to-face mass oathtaking para sa mga bagong agricultural at biosystems engineers ng bansa.
Sa isang Facebook post, inihayag ng PRC na magaganap ang naturang face-to-face oathtaking sa darating na Huwebes Enero 18, 2024, dakong 8:00 ng umaga sa Venue 88 Hotel and Events Place, General Santos City, 9500 South Cotabato.
“All successful examinees interested in attending the face-to-face mass oathtaking shall register no later than 12:00 NN of the day prior to the date of the oathtaking at http://online.prc.gov.ph to confirm their attendance,” pahayag ng PRC.
“Inductees shall come in Barong Tagalog or Filipiniana and are required to PRINT the Oath Form with the generated QR code which will be submitted during the oathtaking in order to be tagged as ‘attended’,” dagdag pa nito.
Ilang bahagi ng bansa, uulanin dahil sa shear line, easterlies
Para sa mga hindi makakapunta sa nakatakdang face-to-face mass oathtaking, ayon sa komisyon, maaari pa rin silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo naman umano ang schedule ng online oathtaking kapag naisapinal na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph on January 19, 2024 onwards,” saad ng PRC.
“For more information on the oathtaking, you may contact the organizers at 09071251276 or email [email protected],” dagdag pa nito.
