Rep. Brosas: PhilHealth contribution hike, ipagpaliban muna

By Rommel Tabbad

January 13, 2024

In BALITA National

Umapela si Gabriela Party-list Rep. Arlene Brosas kay Pangulong Ferdinand Marcos, Jr. na ipagpaliban muna ang implementasyon ng Philippine Health Insurance Corporation (PhilHealth) premium contribution ngayong taon.

Ikinatwiran ng kongresista, malaking kabawasan sa suweldo ng mga manggagawa ang contribution increase dahil tumataas pa rin ang presyo ng bilihin at serbisyo.

Isingit din ng mambabatas ang kontrobersyal na ₱15 bilyong halaga ng Interim Reimbursement Mechanism na hanggang sa ngayon ay wala pang napananagot.

Nauna nang idinahilan ng PhilHealth, itataas sa limang porsyento ang premium contribution rate mula sa apat na porsyento alinsunod sa Universal Healthcare Law.

Kaugnay nito, nanawagan din si Brosas sa pamahalaan na pagtibayin ang House Bill 408 na may layuning alisin ang probisyon sa UHC law para sa automatic increase ng premium contribution.

‘Para sa mga Pinoy!’ Chel Diokno, first nominee ng Akbayan sa 2025 elections

Ipinahayag ni human rights lawyer Atty. Chel Diokno na kakandidato siya bilang first nominee ng Akbayan Party sa 2025 elections upang isulong ang kapakanan ng mga Pilipino sa Kongreso.Sa isang Facebook post nitong Sabado, Setyembre 28, nagpasalamat si Diokno sa tiwalang ibinigay sa kaniya ng Akbayan.Nangako rin ang human rights advocate na isusulong nila sa Kongreso ang demokrasya ng bansa at...

‘Julian,’ mas lumakas pa; Signal No. 3, itinaas na

Mas lumakas pa ang Severe Tropical Storm Julian, dahilan kaya’t itinaas na sa Signal No. 3 ang northeastern portion ng Babuyan Islands, ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Linggo, Setyembre 29.Sa tala ng PAGASA, huling namataan ang sentro ng bagyong Julian 290 kilometro ang layo sa silangan hilagang-silangan...

Surigao del Sur, niyanig ng magnitude 4.4 na lindol

Niyanig ng magnitude 4.4 na lindol ang probinsya ng Surigao del Sur dakong 10:46 ng umaga nitong Linggo, Setyembre 29.Base sa tala ng Philippine Institute of Volcanology and Seismology (Phivolcs), tectonic ang pinagmulan ng lindol. Namataan ang epicenter nito 47 kilometro ang layo sa hilagang-silangan ng Lingig, Surigao del Sur, na may lalim na 10 kilometro.Wala namang inaasahan ang Phivolcs na...