Kinondena ni Albay 1st district Rep. Edcel Lagman ang naging pag-ere ng TV advertisement na tumutuligsa sa “1987 Constitution” at nagsusulong ng Charter Change.
Sa kaniyang pahayag nitong Miyerkules, Enero 10, iginiit ni Lagman na bahagi umano ang naturang “EDSA-pwera charter change ad campaign” ng patuloy na “demonization” ng pamilya Marcos sa Edsa People’s Power Revolution.
“The ‘EDSA-pwera’ charter change ad campaign is part of the Marcos family’s continuing demonization of the Edsa People’s Power Revolution which ousted the Marcos dictatorship and helped install the ‘Cory Constitution’ or the present 1987 Philippine Constitution,” pahayag ni Lagman.
“The ad is crudely crafted and there is nothing substantial conveyed in the message,” saad pa niya.
'Edsa-pwera tayo!' TV ad kontra 1987 Constitution, usap-usapan
Matatandaang noong Martes ng gabi, Enero 9, nang ipalabas ang TV advertisement sa halos lahat ng major TV networks, sa kalagitnaan daw ng Traslacion o Pista ng Poong Nazareno coverage.
Binabanggit ng naturang advertisement ang “pagkabigo” raw ng 1987 Constitution na mapaunlad ang pamumuhay ng mga Pilipino. “Edsa-pwera” naman ang ginamit na paglalarawan dito.
Kaugnay na Balita:
https://balita.net.ph/2024/01/10/raoul-manuel-pinalagan-mga-kontra-sa-1987-constitution/
