Isang magnitude 6.7 na lindol ang yumanig sa Balut Island sa Sarangani, Davao Occiental nitong Martes ng umaga, Enero 9, ayon sa Philippine Institute of Volcanology and Seismology (Phivolcs).
Sa ulat ng Phivolcs, nangyari ang lindol na tectonic ang pinagmulan dakong 4:48 ng umaga.
Namataan ang epicenter nito 183 kilometro ang layo sa timog-silangan ng Balut Island sa munisipalidad ng Sarangani, Davao Occidental, na may lalim na 94 kilometro.
Naiulat ang Intensity IV sa Glan, Malungon, at Kiamba, SARANGANI.
Ilang retiradong AFP at PNP officials, sumulat kay PBBM; inalmahan 2025 nat'l budget?
Nakataas naman ang Intensity III sa CITY OF GENERAL SANTOS; City of Koronadal, Tupi, Polomolok, at T'boli, SOUTH COTABATO; Alabel, and Malapatan, SARANGANI; Matalam, COTABATO.
Nasa Intensity II ang Tampakan, Tantangan, Banga, Norala, Santo Niño, Surallah, at Lake Sebu, SOUTH COTABATO; CITY OF ZAMBOANGA; Maitum, SARANGANI; City of Kidapwan, Makilala, M'lang, Pigcawayan, Tulunan, at Kabacan, COTABATO; President Quirino, SULTAN KUDARAT, habang Intensity I sa CITY OF CAGAYAN DE ORO; Maasim, SARANGANI; Arakan, COTABATO; Isulan, SULTAN KUDARAT.
Samantala, naitala ang Instrumental Intensities sa mga sumusunod na lugar:
Intensity IV- Malungon, Alabel, Kiamba, at Glan, SARANGANI
Intensity III- City of Koronadal, Tupi, at T'boli, SOUTH COTABATO; Malapatan, SARANGANI; Nabunturan, DAVAO DE ORO; Don Marcelino, DAVAO OCCIDENTAL; City of Digos, DAVAO DEL SUR; City of Gingoog, MISAMIS ORIENTAL
Intensity II- Banga, Norala, Lake Sebu, Santo Niño, Tantangan, at Tampakan, SOUTH COTABATO; Maitum, at Malungon, SARANGANI; Columbio, President Quirino, Lambayong, Lebak, at Esperanza, SULTAN KUDARAT; CITY OF DAVAO; Magsaysay, at Matanao, DAVAO DEL SUR; CITY OF ZAMBOANGA; San Fernando, BUKIDNON; City of Kidapwan, COTABATO
Intensity I - Malaybalay, Kadilingan, and Kalilangan, BUKIDNON; Banisilan, Carmen, Magpet, at President Roxas, COTABATO; Balingasag, MISAMIS ORIENTAL; Bagumbayan at Isulan, SULTAN KUDARAT; City of Bislig, SURIGAO DEL SUR
Ayon sa Phivolcs, posibleng magkaroon ng aftershocks ang lindol, ngunit hindi umano inaasahang magdudulot ng pinsala ang nasabing pagyanig.
Inihayag din ng Phivolcs na walang banta ng tsunami kaugnay ng lindol.
