Umabot na sa 76 porsyento o katumbas ng 145,721 units ng public utility vehicles ang nakapag-consolidate ng prangkisa kaugnay sa isinusulong na modernization program ng pamahalaan.
“As of this time, we already have 76 percent or 145,721 in terms of the units for UV express and PUJ. For UV Express, nasa 82 percent na po 'yung consolidation rate, and for the PUJ, that’s 73.96 percent,” pagdidiin ni Land Transportation Franchising and Regulatory Board (LTFRB) Board Member Riza Paches nitong Biyernes.
National
‘Julian,’ itinaas na sa ‘typhoon’ category
Sinubaybayan aniya nila ang franchise consolidation ng PUV at UV express mula Disyembre 26 hanggang sa matapos ang deadline ng pag-a-apply nitong Disyembre 31.
Tumaas aniya ang consolidation rate dahil na rin sa patuloy na panawagan ng ahensya sa mga operator ng PUV at UV express upang sumali sa nasabing programa.
“Overall, we projected around 18,026 but after December 31, 'yung level po nung nag-consolidate at nag-apply for consolidation was actually 25, 629 units. This makes up 142 percent from what we projected. So, meaning to say that the campaign for consolidation during the last stretch of December was actually effective and the matter by which the agencies have been opening their offices, relaxing certain policies, and requirements, and even reaching out to all these transport service operators was to the agencies perspective,” dagdag pa ng opisyal.
Matatandaang inihayag ni Pangulong Ferdinand Marcos, Jr. nitong nakaraang buwan na hindi na nila ide-delay ang consolidation ng PUVs upang mpakinabangan na ng publiko ang makabagong public transport system ng bansa.
