Kasado na ang face-to-face oathtaking para sa mga bagong civil engineer ng bansa, ayon sa Professional Regulation Commission (PRC).
Sa Facebook post ng PRC nitong Miyerkules, Enero 3, magaganap ang in-person oathtaking para sa mga bagong civil engineer sa Sabado, Enero 6, dakong 1:00 ng hapon sa Marco Polo Plaza Cebu, Nivel Hills, Cebu Veterans Dr., Cebu City.
“All successful examinees interested in attending the face-to-face mass oathtaking shall register no later than 12:00 NN of the day prior to the date of the oathtaking at http://online.prc.gov.ph to confirm their attendance,” pahayag ng PRC.
“Inductees are required to PRINT the Oath Form with their own generated QR. This will be submitted during the oathtaking in order to be tagged as ‘attended’,” dagdag pa nito.
Bilang ex-DepEd chief: VP Sara, masaya sa naitayong museo sa Camarines Norte
Para naman sa mga hindi makakapunta sa nakatakdang face-to-face mass oathtaking, maaari pa rin silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo raw ang schedule ng online oathtaking kapag naisapinal na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph,” saad ng PRC.
