Nangunguna si ACT-CIS party-list Representative Erwin Tulfo sa isinagawang senatorial survey ng OCTA Research group para sa 2025 midterm elections.
Sa resulta ng Tugon ng Masa survey, nangunguna sa listahan ng senatorial preferences si Tulfo na may 76% na mga Pilipino ang boboto sa kaniya.
Rodrigo Duterte, nananatiling top senatorial bet— survey
https://twitter.com/iamguidodavid/status/1741960082517352791?ref_src=twsrc%5Etfw%7Ctwcamp%5Eembeddedtimeline%7Ctwterm%5Escreen-name%3Aiamguidodavid%7Ctwcon%5Es1
Sinundan naman siya ni Senador Christopher “Bong” Go na mayroong 53%, at ni dating Senate President Vicente “Tito” Sotto III na may 48%.
Nakakuha naman ng 47% si Senador Ronald “Bato” Dela Rosa habang 42% naman si Senador Imee Marcos, at 35% naman si Senador Ramon “Bong” Revilla Jr..
Kabilang din sina Senador Francis Tolentino (33%), dating Manila Mayor Isko Moreno Domagoso (32%), dating Senador Panfilo “Ping” Lacson (32%), Senador Pia Cayetano (30%), dating Senador Manny Pacquiao (28%), dating Bise Presidente Jejomar Binay (25%), at Senador Lito Lapid (20%).
Ang Tugon ng Masa survey ay isinagawa ng OCTA noong Disyembre 10 hanggang Disyembre 14, 2023 na may 1,200 respondents.
Samantala, sa PAHAYAG survey ng Publicus Asia Inc., nangungunang top senatorial bet si dating Pangulong Rodrigo Duterte para sa darating na 2025 midterm elections.
Ayon sa survey, nakakuha ng voting predisposition si Duterte na 48% at trust rating na 59%.
MAKI-BALITA: Rodrigo Duterte, nananatiling top senatorial bet— survey
