Davao Occidental, niyanig ng 4.8-magnitude na lindol

By MJ Salcedo

December 28, 2023

In BALITA

Niyanig ng magnitude 4.8 na lindol ang probinsya ng Davao Occidental nitong Huwebes ng umaga, Disyembre 28, ayon sa Philippine Institute of Volcanology and Seismology (Phivolcs).

Sa ulat ng Phivolcs, nangyari ang lindol na tectonic ang pinagmulan dakong 9:35 ng umaga.

Namataan ang epicenter nito 17 kilometro ang layo sa hilagang-kanluran ng Jose Abad Santos, Davao Occidental, na may lalim na 34 kilometro.

Itinaas ang Intensity IV sa CITY OF GENERAL SANTOS at Don Marcelino, DAVAO OCCIDENTAL, habang Intensity I sa City of Bislig, SURIGAO DEL SUR at CITY OF DAVAO.

Naitala naman ang Instrumental Intensities sa mga sumusunod na lugar:

Intensity V - Malungon, SARANGANI

Intensity IV - Don Marcelino, DAVAO OCCIDENTAL; Alabel, SARANGANI; CITY OF GENERAL SANTOS

Intensity III - Malapatan, SARANGANI

Wala namang inaasahan ang Phivolcs na posibleng aftershocks ng lindol.

Hindi rin umanong inaasahang magdudulot ng pinsala ang nasabing pagyanig.

Asawa ng mastermind sa pagpatay sa mag-asawang online seller, nagpadala raw ng lechon bago ang krimen?

Bukod umano sa pagdalaw sa burol ng pinatay na mag-asawang online seller, nagpadala raw muna ng lechon belly ang umano'y asawa ng mastermind, ayon umano sa kapatid ng biktima.Sa Facebook post ni Leslie Lulu Manabat nitong Miyerkules, Oktubre 16, ibinahagi niya na hindi raw niya kinaya ang pagpunta umano ng asawa ng umano'y mastermind sa burol ng mga biktimang sina Arvin at Lerma Lulu,...

Mastermind sa pagpatay sa mag-asawang online seller, kumpare raw ng mga biktima

Arestado na ang umano'y mastermind sa pagpatay mag-asawang online seller sa Pampanga at lumalabas na kumpare pa siya 'di umano ng mga biktima. Matatandaang noong Oktubre 4 nang tambangan ng riding-in-tandem sa Mexico, Pampanga ang sasakyan ng mag-asawang sina Arvin at Lerma Lulu.Kasama nila ang anim na taong gulang nilang anak at isang kamag-anak nang mangyari ang insidente.Ayon sa...

Pag-imbestiga ng Senado sa drug war ni ex-Pres. Duterte, magandang ideya – Pimentel

Ipinahayag ni Senador Koko Pimentel na isang “magandang ideya” na imbestigahan din ng Senado ang madugong giyera kontra ng adminitrasyon ni dating Pangulong Rodrigo Duterte.Sa isang text message nitong Martes, Oktubre 15, na inulat ng Manila Bulletin, sinabi ni Pimentel na bagama’t “optional” lamang, isang magandang ideya umano kung magkakaroon ng parallel investigation ang Senado sa war...