Nakapasok na sa bansa ang coronavirus disease 2019 (Covid-19) Omicron subvariant JN.1 kung saan nasa 18 kaagad ang nahawaan nito.
Ito ang kinumpirma ng Department of Health (DOH) nitong Linggo at sinabing nakarekober na ang lahat ng tinamaan ng naturang sakit sa bansa.
Ipinahayag ng DOH, natuklasan ang mga kaso nito sa pamamagitan ng nakolektang samples mula Nobyembre 16 hanggang Disyembre 3.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
“There has been no significant increase in the number or severity of cases overall,” anang ahensya.
Paglilinaw ng ahensya, walang ebidensyang mabilis ang pagkalat ng JN.1 sa Pilipinas.
Nauna nang na-classify ng World Health Organization (WHO) ang JN.1 bilang "currently circulating variant of interest" at bahagi ng parent lineage nito na BA2.86.
Sinabi rin ng DOH na kailangang bantayan ang JN.1 at pag-aralan pa ng mga epidemiologist at researcher sa buong mundo.
Panawagan pa rin ng ahensya sa publiko, dapat ring magsuot ng face mask, takpan ang bibig sakaling umubo at magpabakuna na rin bilang proteksyon sa sakit.
