Wala pa ring nanalo sa mahigit ₱530 milyong jackpot sa isinagawang draw ng 6/58 Ultra Lotto nitong Biyernes ng gabi.
Paliwanag ng Philippine Charity Sweepstakes Office (PCSO), hindi nahulaan ang winning combination na 46-43-44-16-50-21.
Dahil dito, inaasahan na ng PCSO na tataas pa ang jackpot na ₱530,527,560.80 sa susunod na draw.
Ang draw para sa Ultra Lotto game tuwing Martes, Biyernes at Linggo.
Huling napanalunan ang isa sa pinakamalaking jackpot ng 6/58 Ultra Lotto nitong Hunyo 30, 2023.
Umabot sa ₱366.6 milyon ang tinamaan ng isang taga-Cabiao, Nueva Ecija makaraan mahulaan ang winning combination na 43-58-37-47-27-17.
