Napasama ang Pinoy food na sinigang sa listahan ng “100 best dishes” sa buong mundo, ayon sa kilalang online food guide na Taste Atlas.
Sa inilabas na listahan ng Taste Atlas sa kanilang website, naging top 97 ang sinigang matapos itong makakuha ng 4.48/5 rating.
Inilarawan ng naturang online food guide ang sinigang bilang isang maasim na Filipino soup na binubuo ng sampalok (bunga ng puno ng sampalok), kangkong, sili, repolyo, broccoli, talong, hiniwang kamatis at sibuyas, luya, bawang, green beans, patis, at asin.
“The basic broth usually consists of rice washing, with the addition of a souring agent,” anang Taste Atlas.
Magna cum laude graduate na pinagsuot ng toga ang ama, kinaantigan
Maaari naman daw idagdag sa sabaw ang baboy, isda, bangus, hipon, manok, baka, at iba pa.
“Sinigang is traditionally served piping hot as a main dish, with rice as its accompaniment. It's an often seen dish at special occasions such as birthdays or weddings, and over time, as the dish became more popular, there were new variations that used guava or raw mango instead of sampalok, and each region developed their own version of the popular soup,” saad ng Taste Atlas.
“With its sour lightness perfectly matching the harsh tropical heat of the country, sinigang is a unique soup that is a true representative of Filipino cuisine,” dagdag pa nito.
Nakuha umano ng Taste Atlas ang “100 best dishes in the world” mula sa 10,927 cataloged dishes na ni-rate ng 395,205 users, kung saan 271,819 dito ang valid.
