Napanatili ng Technical Education and Skills Development Authority (TESDA) ang posisyon nito bilang “most approved at trusted” government agency sa bansa, ayon sa "Pahayag" fourth quarter survey na isinagawa ng Publicus Asia.
Sa inilabas na resulta ng survey ng Publicus nitong Linggo, Disyembre 17, nakatanggap umano ang TESDA ng 70% approval rating at 61% trust rating.
Pumangalawa naman sa ranking ang Armed Forces of the Philippines (AFP) na nakatanggap ng 72% approval rating at 59% trust rating.
Samantala, kasama umano sa top 3 hanggang top 10 pagdating sa approval rankings ang mga sumusunod:
Apollo Quiboloy, kasama sa initial list ng Comelec sa pagkasenador
- Department of Science and Technology (DOST) na may 69%
- Bangko Sentral ng Pilipinas (BSP) at 68%
- Commission on Higher Education (CHED) at 67%
- Department of Social Welfare and Development (DSWD) at 66%
- Department of Education (DepEd) na may 64%
- Department of Health (DOH) na may 64%
- Civil Service Commission (CSC) na may 63%
- Department of Foreign Affairs (DFA) na may 61%
“Examining the notable gainers, the Supreme Court witnesses substantial improvement, driven by increased support from various demographics, including the National Capital Region, individuals aged 18-24, middle-income groups, Catholics, non-OFW (overseas Filipino worker) families, and college graduates,” anang Publicus Asia.
“Similarly, the AFP and the Philippine National Police (PNP) experienced broad-based approval gains across socio-demographic segments, particularly benefiting from increased support among residents of special land (SL) areas.”
“The Department of Agriculture (DA) exhibits overall approval increases, possibly influenced by a positive response to the recent appointment of Secretary Francisco Tiu Laurel,” dagdag pa nito.
Isinagawa umano ng Publicus ang naturang naturang fourth quarter survey mula Nobyembre 29 hanggang Disyembre 4, 2023.
