“THE QUEEN IS COMING HOME! ”
In-announce ng Miss Universe Philippines (MUPH) nitong Biyernes, Nobyembre 24, ang magaganap na “grand salubong” para kay Miss Universe Philippines 2023 Michelle Marquez Dee.
Sa isang Facebook post, shinare ng MUPH na isasagawa ang grand salubong para kay Michelle sa Sabado, Nobeyembre 25, bandang 6:55 ng gabi, sa NAIA Terminal 1.
Ayon sa MUPH, “bayanihan” ang magiging style ng mangyayaring pagsalubong para sa Pinay beauty queen.
Michelle Dee, idinetalye kaniyang national costume sa Miss Universe
“Join us as we welcome back Miss Universe Philippines Michelle Marquez Dee,” pag-invite ng MUPH sa Pinoy pageant fans.
“Show your love and support for Michelle by giving her the welcome she deserves after making the nation proud with her much-applauded performance and Top 10 placement at the 72nd Miss Universe competition,” dagdag pa nito.
Nakalagay rin sa nasabing post ng MUPH ang picture ni MMD suot ang inirampa niyang airplane-inspired national costume.
Matatandaang natapos ang journey ni Michelle sa 72nd Miss Universe bilang Top 10 finalist, kung saan inirampa niya ang isang gown na tribute sa legendary Filipina tattoo artist na si Apo Whang-Od.
Ang pambato naman ng Nicaragua na si Sheynnis Palacios ang kinoronahan bilang Miss Universe 2023.
